«Жаңартылған білім беру бағдарламасы-сабақ беру үдерісінде» атты қалалық семинар
«№ 46 орта мектебі» КММ-нің шаңырағында, қалалық шығармашыл топ «Жаңартылған білім беру бағдарламасы-сабақ беру үдерісінде» атты тақырыпта қалалық семинар өткізді. Семинарға қала мектептерінің 47 қазақ тілі мен әдебиеті пәні мұғалімдері қатысты.
«№ 46 орта мектебі» КММ -нің директоры Г.Б. Ауғанбаева кіріспе сөзін сөйледі. ҚБбБ-нің әдіскері З.С.Скакова семинардың жаңартылған бағдарламаның негізгі идеяларымен таныстыру, аталмыш идеяларды оқу үрдісіне енгізу, оқу үрдісінде инновациялық әдіс-тәсілдерді тиімді пайдалануға жағдай жасау міндеттері бойынша ұйымдастырылып жатқандығын айтты.
«№ 5 орта мектебі» КММ-нің қазақ тілі мен әдебиеті мұғалімі Р.А. Корабаева қатысушы мұғалімдерді топқа бөлуді ұйымдастырды. Кейіннен мұғалімдер 4 топқа жайғасқаннан кейін «Ахмер орта мектебі» КММ-нің қазақ тілі мен әдебиеті мұғалімі Д.К. Торпакова жаңартылған білім берудегі негізгі ұғымдармен таныстырып өтті. «№ 45 орта мектебі» КММ-нің қазақ тілі мен әдебиеті мұғалімі С.С. Мадыева 5 сынып бойынша өзі құрастырған орта мерзімді жоспарлаудың үлгісін ұсынды. Кейіннен «Ахмер орта мектебі» КММ-нің қазақ тілі мен әдебиеті мұғалімі М.Т. Тастағанова және «№ 46 орта мектебі» КММ-нің қазақ тілі мен әдебиеті мұғалімі Б.Т. Интыкпаева жаңартылған оқыту бойынша бағалауды ұйымдастыру жайлы мәлімет берді. Теориялық білімнен кейін мұғалімдермен практикалық жұмыстар жүргізілді. «Ш. Құдайбердіұлының атындағы № 1 орта мектебі» КММ-нің қазақ тілі мен әдебиеті мұғалімі Б.А. Сүлейменова қатысушы мұғалімдерге инновациялық әдіс-тәсілдерді тиімді пайдалану жолдарын көрсетті. Семинарды қорытындылау мақсатында «№ 22 орта мектебі» КММ-нің қазақ тілі мен әдебиеті мұғалімі К.С. Усанова мұғалімдермен кері байланыс орнатты.
Барлық қатысушылардың көңілінен шыққан қалалық шара өте жоғары деңгейде ұйымдастырылғаны жайлы айтылды.